Ittoqqortoormiit attaveqaqqilerput
Kisianni telekkut attaveqarneq Ittoqqortoormiini ajoquteqartarsinnaavoq, Tele Post taama nalunaaruteqarpoq
Annonse
Ittoqqortoormiit ataasinngormat avammut attaveqarsinnaajunnaartut maanna tele aqqutigalugu attaveqaqqilerput.
– Satellitantennip ajoquteqarnerata kingunerisaanik satellitsip tungaanut eqqortumik saatsinneqarsinnaasimanngilaq. TELE-p taavani teknikeriata antenne 11 meterinik portutigisoq satellitsip tungaanut saatsinniarlugu sulisimavoq. Ullumi novemberip arfernani nal. 09.50 antenne ajorunnaarpoq attaveqarnerillu aaqqillutik. Aaqqivinnissaata tungaanut ilaatigut sivikitsumik attaveeruttarnissaq naatsorsuutigisariaqartoq Tele-Postip sisamanngornermi ullup qeqqata siornatigut nalunaarutigaa.