Aatsitassarsiornermi sulisartut siulliit naammassipput
Angutit 18-nit aatsitassasiornermut tunngasunik ilinniartitaanermi tunngaviusumik ilinniartitaaneq Common Core sapaatit akunnerinik qulinik sivisussusilik Sisimiuni qaartiterinermut nunniornermullu ilinniarfimmi naammassivaat
Pikkorissartitsineq naammassineqarpoq kalaallit, norgimiut aamma amerikarmiut ilitsersuisoralugit, taamaattumik pikkorissartut tuluit oqaasiinik atuisinnaanerannut piumasaqaatit annertusimapput, tamarmilli unammillernartut naammassivaat maannakkullu suliffeqarfinni piaanermik ingerlatsivinni tuluttut oqaluffiusuni sulinissaminnut piareerput, Hans Hinrichsen qaartiterinermut nunniornermulli ilinniarfimmi inspektøriusoq oqarpoq.
Qaartiterinermut nunniornermullut ililnniarfimmit naatsorsuutigineqarpoq ilinniartoqatigiit sisamat tunngaviusumik ilinniakkamik, taaguuteqartinneqartumik Common Core, 2009-mi naammassinnissinnaassasut. Maannakkut pikkorissarniarlutik peqataaniartut 20-t, 5. januar aappaagu aallartittussamut nalunaareersimapput.
Angutit 18-nit aatsitassarsiornermut ilinniakkamik naammassinnittut tassaapput Job Nielsen, Karl Møller, Mathias Kristiansen, Hendrik Karl Broberg, Edvard Fleisher, Jørgen Petersen aamma Knud Samuelsen Uummannameersut, Martin Noahsen, Ilulissat, Henrik Martinsen, Ingolf Andersen aamma Søren Simonsen Sisimiunersut, Hans Peter Nikodemussen aamma Søren Sommer Maniitsumeersut, Manasse Eriksen, Nuuk, Kristian Hansen, Kristian Kleist, Poul Petrussen aamma Malakias Isaksen Nanortalimmeersut.