Ilimanami timigissarfik nutaaq
Ilulissat kommuniani nunaqarfimmi Ilimanami timigissarfik nutaaq marlunngornermi ualikkut nunaqarfiup innuttaanut ammarpoq.
Nunaqarfik Ilimanaq 85-it missaannik innuttaqartoq Ilulissat kommuniani nunaqarfiit annersaasa pingajoraat.
Timigissarfimmi nutaami innuttaasunut sikkileqarlunilu arpaffissianik atortoqarpoq. Timigissarfik nunaqarfiup illuutaani inissisimasoq qaammatini pingasuni siullerni akeqassanngilaq, tamatumalu kingorna nalunaaquttami ataatsimi atorneranut 15 koruuneqassalluni.
Timigissarfiup atortui Ove Villadsenimit Ilimanami najugaqartumit tunissutaapput.
- Atortut innuttaasunit atorluarneqarnissaat aammalu nunaqarfimmi peqqinnartumik sammisaqartitsinermut iluaqutaanissaa neriuutigaara, taamak illuummi siulittaasoq Arne Lange oqarpoq.
Timigissarfik nutaaq Ilulissaniit ilitsersuisartumik tikinneqarsimavoq, atortut qasujaallisaatit qanoq atorneqarnissaannik ilitsersuisussaq. KIngusinnerusukkut nunaqarfimmiut ilaat pikkorissariartinneqassaaq.