Atuagaq nassaariuk oqaatsillu piujuaannartillugit
Islandimiup Ármann Reynissonip atuakkiaata nutaap »Vestnordiske vignetter« nunat avannarliit killiit oqaasii kulturiallu qitiutippai
Atukkap saqqummersinneqartup ilai 55-t qallunaatut, savalimmiormiutut, kalaallisut aamma islandimiutut allanneqartut marlunngormat nunarsuarmi sumiiffinni assigiinngitsunik toqqorneqarput, JP Århus allappoq.
New Yorkimi, Helsinkimi, Nuummi aamma Århusimi kikkulluunniit piarinaatsoorlutik saneqquttut atuakkamik naammattoorsisinnaapput. Århusimi sumiiffiit toqqarneqarsimasut ilagaat Hovedbiblioteket aamma Nordisk Sprog, Aarhus Universitetianiittoq.
Nunarsuaq tamakkerlugu pisup Reykjavikimi Nordens Husip ukiunik 40-unngortorsiorluni nalliuttorsiorneranut malunnartitsiniutaavoq, tamatumalu saniatigut nunani avannarlerni killerni oqaatsit pingaaruteqassusiat qitiutissallugu.
- Pingaaruteqartorujussuuvoq nunani avannarlerni oqaatsinik ilisimasaqarnerup piujuaannartitsinissaq, Lars Bæk-Sørensen pisumik siunnersortaasoq oqarpoq.
- Oqariartuut taanna aatsaat taamak pingaaruteqartigaaq, tassami kalaallit meerartaat amerlasuut danskisut ima oqallorlutsigaat allaat danskit efterskoleniit angerlatinneqartariaqarlutik.