Sermersuup nunaqarfii siunnersuusiussapput
Nunaqarfiit kattussuunnissaat, politikkikkut allaffissornikkullu tunngasut aammalu nunaqarfinnut siunissami politikkissaq. Ilaatigut tamakkuupput nunaqarfiit tallimanngorpat ataatsimeersualerunik eqqartorumaagaat.
Nunaqarfinnit aallartitat ataatsimeersuarneq tallimanngorpat novemberip 14-iani Illorput-mi allartikkunikku sinniisuutitat tamarluinnarmik siunissami nunaqarfiit qanoq aaqqissuunneqarnissaannut ingerlanneqarnissaannullu siunnersuutiminnik saqqummiiumaarput. Nunaqarfiimmi sumiiffitik aallaavigalugit tunumi kitaanilu immikkut ataatsimeereersimapput, nuuk.gl. allappoq.
Nunaqarfimmiullu ataatsimeersuarnerminni nunaqarfiit kommuunillu akornanni oqartussaaffiit tungaasigut qanoq aqquataarisoqarnissaa siunnersuuteqarfigiumaarpaat.
Allaffissornermut politikkimullu tunngasut qulaajarneqassapput, soorluttaaq aamma nunaqarfiit kattussuussinnaanerat eqqartorneqarumaartoq. Naatsumik oqaatigalugu ataatsimeersuarnermi peqataasut siunissami nunaqarfiit politikkissaat pillugu siunnersuusiussapput.
Nunaqarfiit allaartitaasa saniasigut ikaarsaariarnermut ataatsimiititaliami siulittaasoq Asii Chemnitz Narup, ikaarsaariarnermut ataatsimiititaliami atorfillit kiisalu aningaasaqarnermut ataatsimiititaliamit sinniisut marluk ataatsimeersuarnermi peqataassapput.
Toornaq Consulting ApS. Ataatsimeersuarnermik pilersaarusiortuullunilu ataqatigiissaarisuuvoq.