Mattaangasoq ittartakkamiit peerneqarpoq
Sermitsiap allaaserinninnerata kingorna attaveqarfissarsiorfittut annonce mataangasumik imalik peerneqarpoq.
Sisamanngornermi - Sermitsiap naqitserneqarnissaa sioqqullugu - Opslagstavlen.gl-imi profileqarpoq imatut qulequtsikkamik "Kinamita assiuteqarpa imaattunik". Profilip imaraa arnap uppatai mattaangasut iviangiillu mattaqqasut. Tassa Sermitsiap nittartagaq pillugu allaaserisamini mattaangasunik imalinnik assersuutit taamaattut atorsimavai - ilaatigullu assilinera sapaatip akunnerani uani aviisimi atorsimallugu.
Attaveqatissarsiorluni annonce taannarpiaq Opslagstavlen.gl-imi maanna takussaajunnaarpoq. Maannalu nittartakka piginnittua Malene Rosing lanngutassiami oqarpoq, assi taanna Opslagstavlen.gl-imiinngisaannarsimasoq.Tamanna ilumuunngilaq.
Assimi allaaserisamut uunga ilanngunneqarsimasumi profili maanna peerneqarsimasoq takuneqarsinnaavoq.
Nittartakkap datingdel-iani (www.2hearts.dk) profilit allat suli takussaapput taamatut mattaangasunik immiisimasut.