Sakkutuut helikopteriata Siriusimioq ajoqusertoq annaappaa
24-inik issittoq, taarmi isikkivilutorlu sakkutuut umiartortut helikopteriata Lynx-ip Siriusimi inuttat ilaat ajoqusersimasoq annaappaa.
Qimussersartoqatigiinni normu 7-imi inuttaasut qamutillu Tunup avataani qeqertami Shannonimi sermip killingani 4 meterinik portutigisukkut nakkarmata inuttat ilaat tuimigut isikkamigullu ajoquserpoq.
Siriusumi inuttaasut tamatuma kingorna helikopterip anngunnissaata tungaanut ajoqusertullu aallarussinnaalernissaata tungaanut ullut marluk utaqqisariaqarsimapput. Taamak utaqqitiginermut peqqutaavoq helikopteri aallartissinnaalertinnagu umiarsuaq nakkutilliissut Triton Tunumiittoq Siriusikkormiunut qanillattoqqaartinneqartariaqarsimammat.
Siriusimi inuttap nissuni napisimavaa. Taanna Islandimi napparsimmavimmeereeruni sisamanngornermi Danmarkimut timmisartuunneqarsinnaalissaaq.
Ajutoorneq novembarip 14-iani pisoq Sakkutuunit Umiartortunit aatsaat novembarip 19-iani tamanut saqqummiunneqarluni.