KNR politiinut unnerluutigineqarpoq
Vicepolitimester Morten Nielsenip uppernarsarpaa nittartakkamut knr.gl-imut tunngasumik unnerluussisoqarsimasoq
Annonce
Nittartagaq unnerluutigineqarpoq inatsisartunut ilaasortap aqqa saqqummiunneqarsimammat, ilaasortaq inatsisartut elektroniskimik taasinermi atorneqartartumik atornerluisimasutut pasineqarpoq, ilaasortamik allammik ataatsimiittarfimminngiitsumik taasissussisimasutut.
KNR-imi web-imut akisussaasoq Martin Chemnitz radioaviisimut oqarpoq KNR-ip quppernermi nutaarsiassaqartitsivimmi oqaaseqaatigineqartut eqqortuunersut paasiniarsinnaanngikkitik.
- KNR.gl-imi oqallinnermi maleruagassaqarpugut, isummat assigiinngissusiat pinnagu. Taamatut nililersuinermi kikkut tamat oqaaseqarsinnaatitaanerannik kiisalu oqaaseqarsinnaanermut killilersuinissamut killissarititaasut pingaartittorujussuuvagut, Martin Chemnitz oqarpoq.