NGO Narsami urani pillugu oqallinnissamut qaaqqusivoq
Avatangiisit pillugit suliniaqatigiiffiup »Earth Charter Narsaq« -p Kvanefjeldimi uranimik piiaasinnaalernissaq pillugu pingasunngornermi unnukkut innuttaasunik oqallinnissamut qaaqqusivoq.
Ataatsimiinneq Kulturikkut illumi A-21mi nalunaaqutaq 19.00 ingerlanneqassaaq.
Unnummut pisussaaffiliiffiunngitsumik ataatsimiinnissami oqaluuserisassat immikkoortut pingasuupput, taamak »Earth Charter Narsaq,«-imi oqallinnissamut aaqqissuussisuusut ilaat Finn Lynge ilisimatitsivoq.
Siullermik qaqqaq Kvanefjeld assortuussutaaqisumik imaqartoq. Aappaattut namminersornerusut aatsitassanut politikkiat, kiisalu pingajuattut pineqartoq pillugu najukkami innuttaasut soqutigisaat.
Oqallitsitsinissamik suliniuteqartut naatsorsuutigaat, ataatsimiinnermi apeqqutinik "periarfissaqalerpat arlaannaannulluunniit attumassuteqanngitsunit akineqarumaartut"-nik saqqummersoqarumaartoq, aaqqissuussineq pillugu tusagassiorfinnut nalunaarummi allassimavoq.
»Earth Charter Narsaq« avatangiisit pillugit suliniaqatigiiffiup »Earth Charter«-p ataani immikkoortortaqarfeerannguuvoq, 1990-ikkut naajartorneranniillu aqutsisoqarnikkut kalaalliniit peqataaffigineqartoq.