Angerlarsimaffeqanngitsut nerisassaqartillik
Nuup Kommuneata innuttaasut kajumissaarpai nerisassanik assersuutigalugu julefrokostimi sinnerisimasat illoqarfimmi angerlarsimaffeqanngitsunut tunniutaqqullugit.
Annonse
Tuniserusuttut illoqarfimmi Unnuisarfimmut tunniussisinnaapput.
- Festini angisuuni minnerunngitsumik julefrokosterpassuarni qanittukkut piffissanngorfiusussani amerlasuutigut nerisassanik annertuumik sinneqartoortoqartaannarpoq. Nuup komuneani Unnuisarfimmi atuisartut nerisassat sinnerussimasut qujarutissaqaat. Taamaattumik nammineq nerisinnaanngisanik peqaraanni angerlarsimaffeqanngitsunut tunniunnissaat qujanassaqaaq, taamak isumaginninnermik ingerlatsivimmi immikkoortortaqarfimmi pisortaq Pia S. Johnsen Nuuk Nytimut oqarpoq.