Røde Korsi nutaamik siulittaasortaarpoq
Ikiuiniaqatigiiffiiup Røde Korsip Kalaallit Nunaanni immikkoortortaa nutaamik nuna tamakkerlugu siulittaasortaarpoq. Tassalu Tove Blidorf Qaqortumeersoq.
Røde Korsip siulersuisortaavi nutaa ullumi toqqarneqarput. Siulittaasunngorpoq Tove Blidorf Qaqortumeersoq.
- Inuit Kalaallit Røde Korsiannut ilaasortanngornissaat kajumissaarusuppakka, taamaalillutik najukkami nunarsuarmilu tamani inunnik ikiuiniarnermut peqataalerlutik, taamak nnuna tamakkerlugu siulittaasoq Tove Blidorf tusagassiorfinnut nalunaarummi allappoq.
Nuna tamakkerlugu siulittaasortaap kissaatigaa, peqatigiiffiit ataasiakkaat nuna tamakkerlugu siulersuisut peqatigalugit Kalaallit Nunaanni immikkoortortaqarfinnik nutaanik pilersitsiortortoqarnissaa. Saniatigut aamma najukkami peqatigiiffinni ilaasortat amerlanerulersikkusunneqarput. Aamma Kalaallit Nunaanni ikiueqqaarnermik pikkorissartitsinerit atornikuerniarfinnillu pilersitsinerit ingerlatsinissallu suliniutiginiarneqarput.
Ikiuiniaqatigiiffiup Kalaallit Nunaanni immikkoortortaani nuna tamakkerlugu kattuffimmi siulittaasup tullinngorpoq Parnûna Heilmann Olesen Nuummeersoq.