Pujortarnikunnerulerlutalu imigassartorpallaarunnaarpugut

Kalaallit Nunaanni innuttaasut 2006imi pujortugasaat assigisaallu katillugit 119 millionit pujortarpaat, immiaaqqat, viinnit imigassallu kimittuut liiterit 8 millionit imerlugit.

Kalaallit Nunaanni Naatsorsueqqissaartarfimmit Statistisk Årbog 2008mik saqqummersitseqqammersumit kisitsisit nutaat tamanna takutippaat.

Pujortagassanit tamarmiusunit cigarettit amerlanerpaajullutik 93,6 millionit cigarittitugarineqarsimapput. 2005imullu sanilliutissagaanni cigarettinik, cikaanik, cikaavaqqanillu allanillu 1,2 millioninik ikileriarsimapput.

Annertussusaat uuttuutigalugu immiaaqqat suli naatsorsoqqissaarinermi inutulluarput. 2006imi immiaaqqat liiterit 7,1 millionit imersimavagut, viinnit 844.000 liiterit imigassallu kimittuut 135.000 liiterit. Alkoholimut akuneqanngitsumut naatsorsuullugu katillugit 498.000 liiteriupput, 2005imut sanilliullugu 17.000 liiterinik appariarneruvoq.

Powered by Labrador CMS