Upernavimmi pisassat sinnerneqarput
Upernaviup kommuniani piniartut qilalukkanik qaqortanik pisassarititaasut qaavatigut immikkut pisassiissutigineqartut "qaangingaatsiarpaat", piniarnermut nakkutilliisoq oqarpoq.
Upernaviup kommuniani piniartut immikkullu Kullorsuarmiut qilalukkanik qaqortanik qilalugamasorsuusimapput. Immikkut ittumik qilalugartassiissutit 50it sapaatip akunnerata missaannaata ingerlanerani nungunneqarput, taamaattumik Upernavimmi qilalugarniarneq tamarmi unitsinneqaqqippoq, knr.gl allappoq.
Qilalukkanik qaqortamik pisassiissutit 56it siulliit ullut marlussuinnaat ingerlaneranni nungunneqarsimapput, tamatumalu kingorna immikkut ittumik pisasseeqqittoqarpoq. Knr.gl naapertorlugu piniarnermut nakkutilliisup Niels Hansenip ilisimatitsissutigaa, pisassiissutit kingulliit sipporneqangaatsiartut, qassinik qaangerneqarsimanersoq oqaatigisinnaanagu.
Pisassiissutinut sipporuttoorutit Upernavimmi piniartunt aappaagumut pisassiissutissanit ilanngaanneqassapput.