Nipisa nunani avannarlerni nerisassiortarnermi innersuunneqartoq
Nordisk Madip diplomimut nersornaasiuttagaat 10.000 koruuninik aningaasartaqarpoq.
Restaurant Nipisa Nuummi Nuutoqqamiittoq Nordisk Madip diplomimik nersornaasiuttagaanik nersornaasisitassatut innersuunneqaroq.
Ny Nordisk Madip diplomi nersornaasiuttagaa ukioq manna unammilleqatigiissinnaassutsimut nunanilu avannarlerni nerisassianik ineriartortitsinermut tunngatinneqarpoq.
Svenskit Ny Nordisk Madip sulissutiginnittoqqaavisa ilaannut Eldrimmerimut sammititsipput, Nunani Avannarlerni tamani nerisassiornermut ineriartortitsinermullu qitiusumik inissisimaffik.
Norgep innersuuppaa Hanne Frosta, Høydenimi Bergenimiittumi Neriniartarfik, sallersaalluni norskit tunisassiaataannik salliutitsisoq.
Islandip diplomimut innersuuppaa Restaurant Vox, Reykjavikimiittoq. gUNNAR kARL Gislason nunat avannarliit nerisassiortarneranni akugineqartartunik suliaqartuusoq ineriartortitsinermut aqutsisuuvoq.
Finlandimiit innersuunneqarpoq Kasvik Galleria Kuopiomiittoq, Ukiup Stärnproduktimik pingasoriarluni ajugaasimasoq.
Danskit Læsø Saltsyderi, taratsut pillugit najukkami nerisassiornermut misigisassarsiornermullu qitiusumik ineriartortitsivik.
Kalaallit Nunaanniit innersuunneqarpoq Restaurant Nipisa Nuummiittoq nutaaliorfiusoq, umimmaap neqaanik paarnanillu nerisassiortartuusoq.
Diplomi Stockholmimi Moderna Museetimi novembarip 4ni tunniunneqassaaq.
Sverigemeersoq Jukkasjärvimi Icehotel takornarissanut sullissinini nunallu immikkoortortaani ineriartortitsinini pillugu 100.000 koruuninik aningaasartalimmik nersornaaserneqarpoq.
Nunani Avannarlerni Ministerrådi 2006imi Ny Nordisk Madimik pilersitsisuuvoq, nunani avannarlerni igaavimmut tunngatillugu suliniaqatigiiffiit tunisassiallu nunanit avannarlerneersut tapersersorniarlugit.
Ansp Hardenberg Kalaallit Nunaanni Ny Nordisk Madip aallartitaatut toqqarneqarsimavoq.