Nuummiit timmisartuussinissat taamaatipput
Nuummi anorlernerujussuata silaannaallu unerisimannginnerata nassataanik, Air Greenlandip Nuummiit Maniitsumiillu ullup qeqqata tungaanut timmisartuussinissat taamaatiinnartariaqarsimavai.
Annonse
Ilaasussat ullumi Danmarkiliartusaagaluit aqagu marlunngornermi GL782-mut nuutinneqarput. Ullumi nal. 12.15 ilaasussat pineqartut qaqugu Kangerlussuarmut ingerlanissaannik nalunaarfigineqarput.
– Air Greenlandip timmisartuussinermut immikkoortoqarfiata silap pissusaa soorunami malittaraa, ajornanngippallu ullumi kingusinnerusukkut Nuummut Maniitsumullu taakkunaniillu ilaasussat ingerlanneqarnissaat anguniarlugu, Air Greenland tusagassiutinut allakkamini taama allagaqarpoq.
Air Greenlandip ilaasussanut kajumissaarutigaa nittartagaq www.airgreenland.com malinnaavigeqqullugu.