Nunaga-mi ajugaasoq ullumi tusarliunneqassaaq
Kunngissaq Frederik ajugaasup akissarsiassaanik tunniussisuussaaq ullumi marlunngornermi assiliinermi unammisitsinersuarmi Nunaga-mi Arktisk Institut-mit, Politiken-imit kiisalu Sermitsiamit aaqqissuunneqartumi.
Annonse
Assiliinermik unammisitsinersuaq Nunaga naammassivoq septemberip 30-iat assinillu nalilisussat assit assigiinngitsut 1.800-ut sinnillit qimerlooreersimavaat.
Ajugaasup pinnatassarai inunnut marlunnut Danmark-imut utimullu angalaneq. Tassanilu ilaapputtaaq najugaqarneq, takornariagassanut isissutissat, assiliivik nutaaq, mobili nutaaq kiisalu aningaasat kaasarfimmiussat.
Pissanganerlu ullumi kipitinneqarumaarpoq ajugaasup pinnatassai Kunngissaq Frederiup ullumi København-imi tunniuppagit.
Ajugaasup assilisaa ajugaasorlu ullup ingerlanerani saqqummiunneqarumaarput.