Takutitsinerlunneq
Naalakkersuisunut ilaasortat angutaannaapput, tamannalu naligiissitaanermut siunnersoqatigiinnit uparuarneqarpoq.
Septemberimi Aleqa Hammondip naalakkersuisunit tununarneratigut naalakkersuisut arnartaarupput.
Aleqa Hammondip taartissaanik Per Berthelsenimik atorfinitsitsinermigut naalakkersuisut siulittaasuat Hans Enoksen arnanut nalunaajaateqarpoq politikkimi akulerunnissaq arnanut akilersinnaanngitsoq. Taamatut isumaqarpoq naligiissitaanermut siunnersuisoqatigiit siulittaasuat.
– Naalakkersuisut arnartaqannginnerat inuiaqatigiinnut nalunaajaataavoq pitsaanngitsoq, naligiissitaanermut siunnersuisoqatigiit siulittaasuat Poul Hansen oqarpoq.
Taanna naligiissitaanermut siunnersuisoqatigiinni siulittaasutut taarsikkaminik Agathe Fontainimik, IA-meersumik, taperserneqarpoq.
– Tamanna pitsaasuunngilaq. Isumaqartuaannarsimavunga arnat angutillu naalakkersuisuni aallartitaqartariaqartut, Agathe Fontain oqarpoq.
Sinnera Sermitsiami nutaami atuaruk.