Isumassarsiortartunut ilinniagaqarfik nutaaq
Ilusilesuisartunut, IT-mut, filmiliornermut, isiginnaaassiornermut qitinnermullu ilinniagaqarfimmik pilersitsinissaq pilersaarutigineqarpoq, taamatut allappoq knr.gl
Kalaallit Nunaanni kulturikkut ingerlatsiviit iluanni soorlu atisassanik ilusilersuinermi, IT-mi, filmiliornermi, isiginnaartitsinermi ataatsimoortumik ilinniarfiliornissaq pilersaarutigineqarpoq.
Maannakkorpiaq "Inuussutissarsiornikkut ineriartortitsineq"-mik taagornearallarpoq, takorluukkallu Nuummi novembarip 21ianiit 23ianut isumasioqatigiinnermi isummanillu nittarsaasseqatigiinnissamut atatillugu tigussaasunngortinniarneqassapput.
Aqqissuussisuupput ilaatigut Inuussutissarsiutitigut Ilinniartitaanermut Naalakkersuisoqarfik, Nuup Kommunea aamma Kalaallit Nunaanni Takornariaqarnermut Inussutissarsiornermullu Siunnersuisoqatigiit. Inuussutissarsiornerup, Kulturip ilinniartitaanerullu iluaniit inuit 100t sinnillit aaqqissuussinissamut qaaqquneqarsimapput.
- Eqqarsaatit piviusunngortinneqarnissaasa saniatigut ataatsimeersuarnermi aamma sammisavavut suleqatissarsiorneq aningaasatigullu tapersersuisussarsiorneq, Søren Vestergaard Mikkelsen, Eskimo Managementimeersoq, oqarpoq. Ataatsimeersuarnissamik taanna aaqqissuisooqataasoq, knr.gl allappoq.