Facebookimi Mikemut tapersersuisut

"Mike Fencker Thomsen X-Factorimi tapersersorparput!" Facebookimi gruppe taamatut ateqarpoq. Gruppe Mads Petersenimit aallartinneqarsimasoq Mike Fencker Thomsenip Danmarkimi tusaamasanut ilanngunniarnerani tapersersuisuulluni.

Mike Fencker Thomseni aamma tapersersorneqarnissamik atorfissaqartitsivoq tassami danskit akornanni neriuuteqartorpaasuit akornanni unammineq sakkortussaqaaq. Maannamut 4.500t peqataaniarlutik nalunaarsimapput, DRilu nalunaarpoq ullut tamaasa 200t nalunaartartut. Tamakku tamarmik dommerinut Blachman, Lina Ranf aamma Remeemut misilitsittussapput, underholdning.dk allappoq.

X-Factorip ukiup ataatsip matuma siornagut aallakaatitaanut siullermut sanilliullugu peqataasut pingasoriaatinngoreersimapput, DRillu kisitsisit amerliaruinnarnissaat naatsorsuutigaa.

X Factorimut misilitsinnissamut nalunaarnissaq Novembarip 10ani matussaaq.