Airbus-ip timminissaa arfininngornermut kinguartippoq
Air Greenlandip timmisartup aquani aquutaata ilaani kukkuneqarnera pissutigalugu ullumikkut Københavnip Kangerlussuullu akornanni atlantikoq qulaallugu Airbus 330-200 "Norsaq"-mik timmisartuussinissaq taamaatiinnartariaqarpaa.
Annonse
Taarsiullugu atlantikoq qulaallugu timmisartuussinissaq aqagu ingerlanneqassaaq, piffissat atorneqartartut atorlugit, tassa danskit nalunaaqutaat taapertorlugu nal. 9.15 Københavnimiit aallarluni kalaallit nunaata nalunaaqutaa malillugu Kangerlussuarmut nal. 11.25 tikissalluni.
– Air Greenlandip timmisartuussisarnermut immikkoortortaata aamma nunatta iluani aqagu sapaatiuppallu timmisartuussisinnaanissat inissitsiterniarlugit sapinngisaminik aaqqinniassavai, taamaalillutik ilaasut allakkallu sapaatip akunnerata naanerata ingerlanerani apuuffissaminnut apuussinnaaniassammata, Air Greenland tusagassiorfinnut nalunaarummi allappoq.