Nunatta kujataani Tb-mut tarrarsuineq aallarteruttorpoq

Umiarsuaaraq tarrarsuummik atortuligaq Mina Martek ulluni makkunani nunatta kujataani nunaqarfinni innuttaasut pualluummik nappaateqarsinnaanerat paasiniarlugu tarrarsuilluni aallarteruttorpoq, knr.gl allappoq.

Tuberkoulosemut peqqissaasup Helga Petersenip innuttaasut kajumissaarpai umiarsuaaqqamukarlutik tarrarsortikkiartornissaannik.

– Suleqatigiikkutta aatsaat nappaat akiorsinnaavarput. Taamaaliorutta aatsaat nappaatip siammaannissaa pinngitsoortissinnaavarput, Helga Petersen oqarpoq.

Tarrarsuinermi assilisat Nuummut nassiunneqartarput, tassanilu nalilersorneqartarlutik. Assimi arlaannik pasinartoqassappat inuit najukkami napparsimmavimmiit spaatit akunnerit pingasuniit sisamat tikillugit ingerlaneranni nsaaffigineqarsinnaanissartik naatsorsuutigissavaat.

Kalaallit Nunaanni ukiut kingulliit tallimat ingerlaneranni inuit agguaqatigiisillugu ukiumut 83-it TB-qartut paasineqartarput.

Misissuineq nuna tamakkerlugu TB-mik akiuiniarnermut periutsimut ilaavoq.

Misissuineq kingulleq oktobarip 10ani Narsarsuarmi ingerlanneqassaaq.

Powered by Labrador CMS