Namminersornerusut sulisussanik amigaateqarput
Naalakkersuisoqarfinni pisortat suliussarsiornissaq sulisullu tigummiinnarnissaat pillugit eqqarsarluartariaqarput. Internettikkut saaffiginnittarfiliornissaq eqqarsaataavoq.
Sulisussarsiornissaq sulisooreersunillu atatitsiinnarniarnissaq pillugit Namminersornerullutik Oqartussani nutaamik eqqarsartoqartariaqarpoq.
Namminersornerullutik Oqartussat sulisoqarneranni pisortaq Peter Hansen taamatut oqarpoq. Pingaartumillu naalakkersuisoqarfiit pikkorissunik inatsisileritooqarniarnerat ajornartorsiornarnerarpaa.
Peter Hansenip namminersornerullutik oqartussat inatsisilerituunik 25 - 30-nik amigaateqartuaannarnerarpai.
Tamatumunngalu Namminersornerullutik Oqartussat inatsiseqarnermut allaffiata kiisa sulisuerussimanera takussutissaanerarpaa.
Allaffik pingasunngormat nutaamik pisortartaarpoq, inatsisartut direktørerisimasaat Nicolai Sørensen torsuusarsuarmi illuanut nuummat.
Inatsiseqarnermut allaffiup ikinnerpaamik marlunnik inatsisilerituussarsissunnissaa suliassaasa siullersaraat, taamaanngippat fuldmægtigiusut oktoberimi aallarpat allaffik sulisuerutissammat.
Tamatuma saniatigut atuagarsornikkut qaffasissumik ilinniagaqarsimasut qanoq amerlatigisut amugaataanersut oqaatigiuminaappoq.
Sermitsiaq nutaaq atuaruk.