Internetikkut attaviit akornuteqarsimasut
Tassunga atatillugu attaveqaatit Internetikkut, ADSL-kkut MPLS-kkullu ullaaq nal. 05:50 attaveerussimapput, qujanartumilli nal. 8.10 iluarsillutik, TELE-POST nalunaarpoq.
Annonce
Imaatigut kabelitassamut atatillugu attaveqaatitigut aqqutitta nutarterneri ingerlanneqaleruttorput.
Tassunga atatillugu attaveqaatit Internetikkut, ADSL-kkut MPLS-kkullu ullaaq nal. 05:50-miit nal. 8.10-p tungaanut attaveerukkaluarsimapput.
– Tamatumunnga pissutaavoq qarasaasiatigut attaviiit nutaanik taarsersorneqarneri, pilersaarutaasimagaluarporli tamanna atuisunit malugineqassanngitsoq. Kisiannilu suliarinerini ajoraluartumik qarasaasiatigut qitiusumik attaviit tamarmik atassutaarussimapput. TELE-p teknikerii, atortunillu nioqquteqartoq Cisco/Netdesign suleqatigiillutik attaviit nal. 8.10 iluarsivaat, TELE-POST nalunaarutigaat.