Qatserisartut pisortaat nersornaaserneqarpoq

Paamiuni qatserisartut pisortaat Eigil Knudsen Dronningip Nersornaataanik tallimanngormat nersornaaserneqarpoq. Nersornaat Paamiut Kommuniani tunniunneqarpoq.

Nalliuttorsiortoq Paamiuni qatserisartuniinnermi saniatigut aamma Nanortalimmi, Nordbergimi aamma Fredericiami qatserisartuni sulisimavoq.

- Kalaallit Nunaanni qatserisartuuneq Danmarkimi qatserisartuunermit unamminarneruvoq, taamak qatserisartut pisortaat Eigil Knudsen Paamiut Kommuniani paasissutissiisarnermut sulisumut Søren Lyberthimut oqarpoq.

Qatserisartut pisortaata siunissami kissaatigaa, nammineq Kalaallit Nunaanni qatserisartunngorniat atuarfiannik peqalerumaartoq.