Ilinniartitsisut ulluat
Ullumikkut ulloq tassaavoq Naalagaaffiit Peqatigiit nunani tamalaani ilinniartitsisunut ullorititaat nunarsuarmilu tamarmi ilinniartitsisut amigaatigineqarput. Nunatsinni ilinniartitsisutut atorfiit 400-it inuttaqanngillat, knr.gl taama allappoq.
Nunani 100-it sinnerlugit amerlassusilinni ullumi ulloq atorlugu ilinniartitsisut inuiaqatigiinnut qanoq pingaaruteqartigineri sammineqarpoq. Maani nunatsinni kisimi malunnartitsiniaasoqanngilaq.
Sivso Dorph, ilinniartitsisut kattuffianni IMAK-imi siulittaasoq, Radioaviisimut ima oqarpoq: nunatsinni ilinniartitsisut ullut malunnartinniarlugu sammisaqartitsisoqanngikkaluartoq ilinniartitsisut tamaasa ullorsiorluarneranni pilluaqquakka.
IMAK-ip siulittaasua Sivso Dorph naapertorlugu ilinniartitsisut 400-t missaaniittut amigaatigineqarput. Nunatsinni meeqqat atuarfiini ilnniartitsisussaaleqineq ajornartorsiutinit tamanit ajornartorsiutaanerpaasoq taanna isumaqarpoq.
Nunarsuaq tamakkerlugu ilinniartitsisutut atorfiit 18 millionit missaanniittut inuttaqartinneqanngillat. Afrikami tamanna ajornerpaavoq, ilinniartitsisutut atorfiit 3,8 millionit inuttaqannginnamik.
Danmark-imi ilinniartitsisutut atorfiit 2.280-it inuttaqartinneqanngillat.