Efterskole inuussutissarsiornermut samminerusoq
Qasigiannguani efterskolessap inuussutissariutit ineriartortut soorlu takornariaqarneq samminerussavai.
Qasigiannguani efterskole Villads Villadsenip Efterskolea maanna ukiumut siullermut atuartussanut nalunaarnissamut ammarpoq, atuarneq aappaagu aggustimi aallartissaaq. Atuarfik atuarfiup inuusuttunullu ilinniagaqarfinnut ikaarsaariarfittut atuutissaaq.
– Qasigiannguani efterskolessap namminersornerullutik oqartussat inuussutissarsiutit inriartortut (ass. takornariaqarneq), pilersitsiviit/ineriartortitsiviit nungusaataanngissuserlu pillugit isumassarsiaqqaavat tunngavigalugu ingerlanneqassaaq, taamak pisortaq Rasmus Andersen oqarpoq.
– Atuarfimmi pingaarnerutillugit atuartitsissutissat annertuujullutillu annertuumik anguniagaqarfiupput, pingaartumillu qulequttat pingasuusut taakku nunatta iluani nunanilu allani pissutsit aallaavigigalugit annermik ingerlanneqassallutik. Atisassanik ilusilersuisarneq/Eqqumiitsuliorneq aamma Attaveqaatit/IT nutaamik aqqutissiuunneqassapput taamalu inuussutissarsiornermik ingerlataqartut ilinniagaqarfiillu suleqatigiinnerisigut imarisaanik ineriartortitsissallutik, taamaaliornikkut atuartut atuartitsissutit nuannersumik misigisaqarfigissallugit aammalu sammisamikkut immikkut piginnaanngorsarneqassallutik, aammalu sammisap tungaatigut ilinniartitaanerit inuussutissarsiutaanerallu immikkut paasisaqarfigisinnaassallugit, Rasmus Andersen oqarpoq.
Qasigiannguani Efterskole atuartunut 80inut inissaqassaaq.