Napparsimmavimmi nerisassat kalaaliminerpalaartumik sanaat
Rigshospitalip igaffia napparsimasunut Kalaallit Nunaanneersunut kalaaliminerpalaartumik nerisassiortarpoq.
Rigshospitalip napparsimasunut igaffia suaasanik sassaallertalersimavoq, qaqorteqqasunik, imermik neqimillu assersuutigalugu saanikunik, kukkukuuaqqamik imaluunniit nersussuup neqaanik neqitalimmik. Aamma nerisassiarineqartarput aalisakkat siatat uutallu, savaaqqanik kotelletsit kajortumik miserallit aammalu benløse fugle. Kinguleqqiutigineqartarput æblekaget, ferskenit uutat aammalu sagomik suppaliaq seqquluttuaralik, taamatut allappoq foodculture.dk.
– Kalaalerpassuit salatit naatitallu soqutigivallaanngilaat. Kalaaliminerpalunnerusunik nerisaqarusupput neqeqarnerusunik aalisagaqarnerusunillu, taamaattumillu qitiusumik igaffik nuannarilluarneqalersimavoq ilaatigut suaasat pissutigalugit, oqalutsi Else Danielsen, Rigshospitalimi Det Grønlandske Patienthjemimeersoq oqalutuarpoq. Taamaattumik nerisassiassat tamarmik qallunaaminiugaluartut kalaaliminerpalaartumik sananeqartarput.
Rigshospitalimi Kalaallit Nunaannut ataqatigiissaariffiup kalaallit napparsimasut isumagisarai, Kalaalit Nunaanni neqeroorutigineqarsinnaanngitsumik Danmarkimut katsorsartikkiartortut.