Umiarsuaaraq alapernaarsuut baaj
Ukiuni 34-ini Sakkutuut sinnerlugit nunatta imartaani angalasareersimalluni umiarsuaaraq alapernaarsuut AGPA atorunnaarpoq.
Sapaammi septemberip 7-anni nal. 14:00 umiarsuaaqqami alapernaarsuummi AGPA-mi sungiusartitsisoqarpoq, taamatut allappoq forsvaret.dk.
Kangilinnguani talittarfimmut inuppassuit takkussimapput umiarsuaaraq ukiuni 34-ini Kangilinnguani Sakkutooqarfimmi atorneqarsimasoq inuulluaqqujartorlugu.
AGPA maanna Islandimi Reykjavikimut ingerlaarpoq. Tamatuma kingorna siullermik Savalimmiuni illoqarfiit pingaarnersaannut Thorshavniliariarluni Flådestation Frederikshavnimut ingerlaqqissaaq.
AGPA Svendborg værftimi sananeqarsimavoq 1974-imilu majip 14-ianni sakkutuut imarsiortut umiarsuaaraattut atulerluni. AGPA ulluni 6364-ini alapernaarsuutitut atorneqarsimavoq. AGPA pingaartumik Kalaallit Nunaata kimmut sineriaani angalasarsimavoq, kujataani Nunap Isuaniit avannaani Nares Strædetimut. AGPA atuunnermini sakkutuunut imarsiortunut amerlaqisunut "angerlarsimaffiusimavoq".