Paamiuni Brugsen Cup

Brugsen Cupimi Paamiuni arfininngormat ingerlanneqartumi Nuuk Marathonimi ajugaasut angusarissaarnerpaapput.

Paamiuni arfininngormat Brugsen Cup ingerlanneqarpoq. Kim Godtfredsen ajugaavoq, Stig Brahe Sørensen (arpattoq saamiatungaaniittoq) sølvinnalluni. Assi una Nuummi assilisaavoq.

netredaktion (netredaktion@sermitsiaq.ag)

sapaat 14. sep 2008 04:38

Annonse

Inuit qiimmattartut silaqqiullu ataani Paamiuni Brugsen Cup arfininngormat ingerlanneqarpoq.

Apuuttut siulliit pingasut tassaapput Nuuk Marathonimi ajugaasuusut. Kim Godtfredsen apuuteqqaarpoq, Stig Brahe Sørensen sølvinnalluni kiisalu Frederik Brummerstedt normu 3-nngorluni.

Arpattunik isiginnaariat amerlasuut takkussimasut qiimallutillu nuannaarput. Aappaagu misileeqqissagunarpugut apuuffissami amerlanerulaartunik sammisassaqartitsilluta, Brugsen Cupimi aaqqissuusseqataasoq Bárður Ljósheim ilisimatitsivoq.

Brugsen Cupimi aamma 7 km-imut arpannissamik periarfissaqarpoq. Taakku saniatigut meeqqat 3 km-erimut arpattut 54-iupput.

timersoneq