Frimærkiliortartoq ilisimaneqarluartoq Nuummiittoq
Frimærkeliortartoq tusaamasaq kigartuisartorlu Martin Mørck Kalaallit Nunaannut tikeraarpoq. Nuummi innuttaasut Postimut nutaamik frimærkiliornerani takunissaanut periarfissaqassapput.
Martin Mørckip nuummi Tele-Post Centerimi sulisoq sisamanngornermi septembarip 18-iani nal. 15.00-17.00 sulisoq isiginnaariarneqarsinnaavoq.
Martin Mørck Tele-Postimut frimærkinik 60-inik suliaqarsimagaluartoq kalaallit frimærkiat oqaluttuarisaanermi aatsaavissuaq Kalaallit Nunaanni kigartorneqarluni suliarineqassaaq, taamak suliffeqarfik ilisimatitsivoq.
Martin Mørck Gøteborgimi inunngosimasoq norgemiutut innuttaassuseqarpoq. Martin nunarsuarmi tamani nunanut assigiinngitsorpassuarnut maannamut 560-it tikillugit frimærkeliuussisarsimavoq.
Martin Mørckip ilaatigut kigartorlugit frimærkeliarisimavai: Dronning Margrethe kalaallisoortoq, nakkutilliisut qimussersartut Sirius, Kalaallit Nunaanni umiarsuakkut angallanneq pillugu nangeqattaartut, kalaallit nunaata timmiai aamma qallunaat kalaallit nunaannut ilisimasassarsiornerat. Kalaallit Nunaannit frimærkeliat ilaat nersornaasiissutigisaa nassaavoq ilisimasassarsiortartup Alfred Wegenerip assinga. Frimærke taanna nunarsuarmi tamanit allakkeriviit 80-it sinerlugit peqataaffigisaanni 2006-imi "nunarsuarmi frimærkit kusanarnersaat"-ni normu 8-nngorsimavoq.