Ilaqutariinnermut naalakkersuisoqarfik: Inatsisit allanngortittariaqarput

Kalaallit Nunaata inuit pisinnaatitaaffii unioqqutissanngippagit meeqqanut inuusuttunullu inatsit allanngortittariaqarpoq, naalakkersuisoqarfik taama isumaqarpoq

Meeqqanut inuusuttunullu inatsit allanngortinneqartariaqarpoq, taamaaliortoqanngippat Kalaallit Nunaata inuit pisinnaatitaaffii unioqqutissavai. Ilaqutariinnermut peqqinnermullu naalakkersuisoqarfimmi pisortaq Martha Lund Olsen immikkoortumilu pisortaq Susie Marthin taamatut Sermitsiamut erseqqissaapput.

Ullumikkut meeqqat inuusuttullu 18-it inorlugit ukiullit toqutsisimallutilluunniit annertuumik pinerluuteqarsimagaangamik politiinit nakkutigineqarlutik tigummigallarneqartarput eqqartuussinissalluunniit piareersarneqarnerani isertitsivimmiitinneqartarlutik.

– Meeqqat inuusuttullu 18-it inorlugit ukiullit ullumikkut inersimasut pinerluuteqarsimasut akornannut inissikkaangatsigit FN-ip meeqqat pillugit angerfigeqatigiissutaa unioqqutittarparput, Susie Marthin Demokraatit sinnerlugit inatsisartuni ilaasortaasimasup Lene Knüppelip oqaaserisimasaanut tunngatillugu tikkuaavoq.

Ulloq unnuarlu paaqqinnittarfiit isummaatsunik immikkoortortaqalernissaannik naalakkersuisut siunnersuutaat inatsisartut upernaakkut ataatsimiinneranni oqallisigineqarmat Lene Knüppel, nammineq inatsisilerituujusoq, tamanna Inatsisinik Tunngaviusunik FN-illu meeqqat pillugit angerfigeqatigiissutaanik unioqqutitsinerunerarlugu oqarpoq.

Sermitsiaq atuaruk....

Powered by Labrador CMS