Doris erninermut atatillugu sulinngiffeqarnissaminik ajornartoorpoq

Doris Jakobsen, Nuummi kommunalbestyrelsimi ikaarsaariarnermullu ataatsimiititaliami ilaasortaasoq inatsisikkut ajornartoortinneqarpoq. Tassami kommunalbestyrelsimi, taamalu ikaarsaariarnermut ataatsimiititaliami, sulinerminit erninermut atatillugu sulinngiffeqarsinnaanngilaq, inatsisip ullutsinnut naleqqutinnginnera pissutigalugu, taamatut allappoq nuuk.gl.

Doris Jaobsen kommunimi politikeritut erninermut atatillugu sulinngiffeqarallarani, kommunimi sulinerminit sulinngiffeqaannarallassaaq.

Taamaattumik ikaarsaariarnermut ataatsimiititaliaq isumaqatigiilluni aalajangerpoq, Kommuuneqarfik Sermersooq inatsisartunut allagaqassasoq inatsisip ullutsinnut naleqqutinnginnera erseqqissaatigalugu. Kikkut tamarmik erninermut atatillugu sulinngiffeqarallarsinnaapput, taamaallaat kommunimi politikerit taamalu ikaasaariarnermut aataatsimiititaliami ilaasortat, pinnagit.

Doris Jakobsenip erninermut atatillugu suliffeqarallarnissani ullut 14-it qaangiuppata aallartittussaagaluarpaa, sulinngiffeqarallassagamili, qaammatini marluinnarni erninermut atatillugu sulinngiffeqarallarani, taava akissarsiaqarsinnaanngilaq, nuuk.gl allappoq.