Sanami sipaarniarnermi siniffiit 19-t atorunnaarput
Sipaarniarnermi seeqqumikkut siffissamikkullu pilatsittussat ilaatigut eqqugaapput, taamak KNR paasissutissiivoq.
Siniffiit 19-it taakku ukiup sinneranut matoqqassasut peqqissaasut pisortaat Maybriit Andersen KNR-imut oqarpoq.
Pilattaanermut immikkoortortami siniffiit 13-it matussapput nakorsaatinik nakorsartittunut immikkoortortaqarfimmi siniffiit arfinillit matussallutik.
Spaarniarmut Dronning Ingridip Napparsimmavissuani peqqissaasunut taartaasartunut namminersortunit atorfinitsinneqartartunut pisiniarnermi aningaasartiitissatut missingersuusiat 8-9 millioner koruuninik sipporsimanerat peqqutaavoq. Taamaattumik taartaasartunik taakkuninnga atuisarneq unitsinneqarpoq - taamaallaat peruluttunut nakkutilliisarfik pinnagu.
Sipaarniarfigineqartut tassaapput pilatsittussat, ilaatigut seqqumikkut siffissamikkullu suliaritittussat, kiisalu aqajaqqumikkut inalukkamikkullu suliaritittussat aamma arnat nappaataannik napparsimasut.