USA-p umiarsuaq Issittup Imarpissuanukartippaa
Amerikamiut umiarsuaat 'Healy' sisamanngorpat Alaskami Barrowimiit Issittup Imarpissuanut immap itissusaanik uuttortaajartorluni aallassaaq.
Tamatumunnga peqqutaavoq, imartami tamaani uuliaqarfissuit gaseqarfissuillu nunat arlaannaataluunniit maannakkorpiaq piginnittussaaffiginiarsinnaanngimmatigit, The Times allappoq, taamalu oqaatiginiarpaa tamanna Qalasersuup taassumalu imartaani pisuussutit pillugit piginnittussalerngusaannermut ilaasoq.
Ruslandi siusinnerusukkut aqqartartumik tamaanngartitsisimavoq, taassuma inuttaasa erfalasoq Qalasersuup imartaata naqqani napparsimallugu.
Pilernguttut pingajuat akissuteqarluni issittup nunataani najoruminaatsumi sakkotooqarfiliornissaq ilimasaarutigaa.
Amerikamiut ilisimasassarsiortussanik aallartitsinerat imaanngila Sorsunneq Nillertumik aallartitsiniarnerusoq, Christian Markusseni De nationale Geologiske Undersøgelser for Danmark og Grønlandimeersoq naliliivoq.
- Amerikamiut ilisimasassarsiornerat siulliuniunnermut ilaanera pivisunut naapertuutinngilluinnarpoq. Issittup Imarpissuanukarput immap itissusaanik uuttortaajartorlutik. Tamatuma takutippaa amerikamiut maannakkuugallartoq imartamik arlaannik piginnittuuniarsarilinngitsut, Christian oqarpoq.