Gellerupimi eqqissisimaneqarpoq
Kalaallit Gellerup Parkenimi najugaqartut maanna ajornartorsiuteqarunnaarput, Århusip borgmesteria Nikolaj Wammeni folketingimi ilaasortamut Lars-Emil Johansenimut marlunngornermi illoqarfiup immikkoortortaanut takusaasumut oqarpoq.
Lars-Emil Johansenip 'Illoqarfik Qungujulaarfik' tikeraarpaa, kalaallit Gellerup Parkenimi ajornartorsiutaat tusagassiutitigut annertuumik sammineqareersorlu. Tusakkat malillugit muslimit kalaallit tamaani ineqarfimmiit nikanarsarlugit anisittarsimavaat.
Borgmester Nikkolaj Wammenip ilisimatitsissutigisinnaavaa kalaallit Gellerup Parkenimi najugaqartut maanna ajornartorsiutaaruttut, kisiannili kommunip kalaallit Århusimiittut inuuniarnikkut ajornartorsiuteqartut inuunnerat pitsaanerulersinniaraa.
Nocolaj Wammenip illoqarfimmi kalaallit innuttaasut inuuniarnikut ajornartorsiuteqartut pillugit immikkut ittumik suliniarfigineqartut ilisimatitsissutigaa, suliniarnerlu tamanna kalaallit inuuniarnikkut ajornartorsiortut 150-t apersorneqarnerisigut misissuinerit nutaat tunngavigalugit maanna ilungersuunnerullugu aallartinneqassasoq.
Borgmesterip aamma Lars-Emill Johansenip isumaqatigiissutigaat, kalaallit ingerlalluartut Århusimi amerlangaatsiartut illoqarfimmilu nunannarineqarluartut maannakkornit sammineqarnerusariaqartut.
- Tamanna ilaatigut pisinnaavoq Namminersornerulernerup eqqunneqarnerata ukiunik 30-iliineranut Århusimilu Verdensudstillingip ukiunik 100-liinissaanut atamarmik aappaagumut pisussanut atatillugu, Lars-Emil Johansenip nammineerluni ikiortaa Hans Jakob Helms allappoq.