Nuk
Qallunaat filmiliassaannut najoqqutassaq allanneqaleruttorpoq. Maannalu qularnarunnaarpoq Nukâka Coster Waldau aamma uia Nikolaj Coster-Waldau peqataassasut.
Qallunaat filmiliaat nutaaq decemberimi immiunneqalerpat aapparii Nikolaj aamma Nukâka Coster-Waldau filmiliariteqataassapput.
Tassani filmiliariteqatigissavaa uini Nikolaj Coster-Waldau. Filmimut najoqqutassaq suliarineqarpoq canadamioq ilitsersuisartoq James Barclay suleqatigalugu.
Nukâka paneqarpoq sisamanik arfine marlunnillu ukiulinnik. Maanna misigisimavoq sulianut annertunerusut peqataaqqissinnaalerluni.
Peqataaffigivaa qitiutigaluni isiginnaagassiaq »Polaroid« augustip 19-iani Sisimiuni kulturip illorsuani Taseralimmi takuteqqinneqaqqaartussaq. Taanna aamma Nuummi takutinneqartussaavoq tamatumalu kingorna nunani tamalaani takutinneqassaaq Norge-mi, nunani baltiske-ni, Irlandillu avannaani. Polaroid aappaagu USA-mi New Mexico-mi aamma takutinneqassaaq.
Annerusumik atuarsinnaavat Sermitsiami tallimanngornermi saqqummersumi.