Ajutoornermut nalunaarusiami umarsuup naalagaa ikkarlinnermut pisuutinneqarpoq
Umiarsuup takornariartaatip Quest-ip, 2007imi Qeqertarsuup eqqaani ikkarlittup, naalagaa akisussaassuseqanngitsumik iliorsimavoq, ajortoornermut nalunaarusiaq inerniliivoq.
Annonse
Qallunaat Søfartsstyrelsiannit ajutoornermut nalunaarusiakkut ilaatigut inerniliisoqarpoq, Questip naalagaata angalanermut pilersaarut unioqqutillugu sapinngisamik nunamut qaninniarluni ingerlaarsimasoq, ilaasut arfernik ilulissanillu takunninniassammata. Tamatuma saniatigut umiarsuaq 9 knobinik (akunnermut 14,4 kilometerinik) sukkassuseqarsimavoq umiarsuup ilulissat akornisigoornerani.
Tamanna tunuliaqutaralugu nalunaarusiaq inerniliivoq umiarsuup naalagaa pisariaqanngitsumik navianartorsiortitsisimasoq, pisimasorlu tunngaviusumik umiartornermut naapertuuttutut isigineqarsinnaanngitsoq.