Seqernup højskole kissassarpaa
Nunatsinni seqinernup qinnguaanik tigoqqaatit anginersaat Sisimiuni atoqqaartinneqarpoq pingasunngorneq augustip 20-iat.
Seqernup qinnguaanik tigooqqaat 90 kvadratmeterisut angissusilik iluaqutsiullugu Knud Rasmussenip højskolea Sisimiuni kiassarneqarpoq. Aasaanerani seqinnerluartillugu seqinermut tigooqqaatip kiassarnerup affaa sinnerlugu pilersuisinnaavoq
Nukissiuut tamarmi 1 million koruunit missarpiaannik akeqarsimavoq; højskolip 100.000 koruunit akilersimavai. ?Seqernup kissaanik nukissiuut Kalaallit Nunaanni manna tikillugu annersaavoq højskolillu qalianut ikkussorneqarsimavoq EU-mit aammalu Grønlands Innovationscenterimit, Nutaaliorfimmit, aningaasatigut tapiiffigineqarluni.
– Seqernup kissaanik nukissiuutip aasaanerani højskoli kiammik akikitsumik pilersorsinnaavaa, svenskit ingerlatsivianni Exo Heat AD-mi pisortaaneq Robert Sundquist oqarpoq. Ingerltsiviup taassuma nukissiuut pilersissimavaa illoqarfimmi innaallagisserisutut ingerlatsivik Kaataq El suleqatigalugu.
Kiassiuullumi højskolimik sipaaruteqartitsivoq.
– Højskoli 1962-imi sananeqarnerminiilli imatorsuaq nutarterneqarsimanngilaq, forstander Jakob Lyberth Sermitsiamut oqarpoq.
– Pisoqqanik igalaaqarpugut taarsertariaqartunik. Illulu tamarmi, efterskolimi atuartunit 50-t sinnilinnit atorneqartartoq, annertunerusumik nutartertariaqarpoq. Inuusuttut aamma imeq kissartoq atortorujussuuvaat, taamaattumik uagutsinnut silatusaartumik aningaasaliineruvoq, aamma minnerunngitsumik pissutigalugu suliniut arlalinnit tapiiffigineqarsimammat.
Annerusumik atuarsinnaavat Sermitsiami tallimanngornermi saqqummersumi.