Nanoq takkkuttoq
Sakkutuut qimussersartut Siriusip qullersaqarfia Daneborg Kalaallit Nunaata kangiata avannaaniittoq nannumit tikinneqarsimasoq forsvaret.dk allappoq.
Illersornissamut sakkutooqarfik sakkutuunit qimussersartunit Siriusikkunnit imaattumik misigisaqarsimasunik nalunaarutisipput.
"Ukkaakkorsioreerluta illut sisamaani 4'er gård-imip (qimmit inaat) eqqaani nanoq takuarput.
Troelsip aallaanni Krumtappenimiittoq arpaannaq aavaa, uangalu assiliiviga igalaap itsuarlunga takunniffimma killinganiittoq signalpistolilu tigoriarlugit Sirihusimiit aniartorpunga.
Nannup takoqqaarneraniit 1 minutsi qaangiutiinnartoq 4'ergårdip eqqaaneereerpunga, tassani nanoq nikuissimalluni qimmit inaanni ungaluugaq uppitinniarsarilersimavaa. Sekungip 1/100-iani assileeqqarnissara eqqarsaatigeqqaaraluarpara, kisianni nanoq qaartartulimmik ersisaariaqqaarniarlugu pitsaanerussasoq aalajangerlunga.
Nanoq niaquatigut eqqorpara, uppitinniakki unitsippaa sekundilu marlussunni isigalunga. Imassaq qaartartulik (knaldskud) niuisa akornanni qaarpoq, nanorlu imaanut qimaalluni. Ungaasingaatsiartumut naloriarluni uterpoq, Sanodden-imullu tulalluni . Nanoq tassanngaaniit igeriuttakkanik ikumasartunik qimaatikkuminarpoq, takoqqinngilarpullu.
Maani ulloq aallartilluarpoq!!!"