Finn Karlsen: Qilalukkanik pisup ajoqusersinnaavaatigut
Piniarnermut naalakkersuisup Finn Karlsenip nuannarinngivippaa Ittoqqortoormiini piniartut qilalukkat qernertat 48-t maangaannaq qimaannarsimammatigit, tuugartai mattamerngillu kisiisa tigullugit, taamatut allappoq knr.gl.
Pisut tamakkua Kalaallit Nunaata isigineqarneranik ajoqusiisinnaapput, Finn Karlsen isumaqarpoq.
- Suli naluara inatsisinik unioqqutitsisoqarsimanersoq, malittarisassalli malillugit mattaminermik tigusiinnartoqarsinnaanngilaq sinneralu qimaannarlugu. Pisimasoq uggornartoqartittorujussuuara, pingaarfumik piffinni, pisuussutitta uumassusillit taamak sammineqartiginerini pisimasup avataanit isigineqarnerput ajoqusertorujussuusinnaavaa. Naluara tamanna Ittoqqortoormiini piniartunut qanoq kinguneqaateqassanersoq, tusaamaneqarnerannulli ajortumik sunniuteqassaaq, Finn Karlsen Radioavisimut oqarpoq.
Taanna oqaluttuarpoq qanittukkut tamaani qilalukkat kisinneqassasut, tamassumalu inernera apeqqutaalluni Tunumi qilalukkanik qernertanik killilersuisoqalersinnaavoq.
Qilalukkat qernertat qimaannakkat takornarianit umiarsuarmut takornariartaammut ilaasunit nassaarineqarput, pisimasorlu politiinut nalunaarutigineqarsimavoq.