Kalaallit Nunaannut ataatsimiititaliaq Kujataanut tikeraalersoq
Kalaallit Nunaannut pissutsinut Folketingip Ataatsimiititaliaa augustip 27-ianni 2008-miit septemberip 3-anni 2008-mut Kujataani paasisassarsiorluni angalassaaq, taamatut allappoq folketinget.dk.
Angalanermi pingaarnertut siunertaavoq Kujataani illoqarfiit nunaqarfiillu arlallit tikeraarneqarnissaat, angalanermi ilaatigut eqqartorneqassallutik aatsitassanik piiaaneq, nunalerinermi tunisassiat, aaqqissuussaanermik aaqqissuusseqqinneq aammalu kommunit kattunnerat silallu pissusiata allanngorarnera.
Tikaraarneqassapput Igaliku, Qassiarsuk, Qoornup eqqaani sermeq, Qaqortoq aammalu Narsaq, tamatumalu saniatigut Nanortallip eqqaani Napasorsuarmi Nalunaq Gold Mine A/S tikeraarneqassaaq.
Ataatsimiititaliamit angalaqataassapput Lars-Emil Johansen (SIU), Britta Schall Holberg (V), Henrik Høegh (V), Torben Hansen (S), Mogens Jensen (S), Mogens Lykketoft (S), Julie Rademacher (S), Henrik Brodersen (DF), Pernille Frahm (SF), Per Ørum Jørgensen (KF) aamma Juliane Henningsen (IA).