Polaroid nunanut allanut
isiginnaartitsissut qitinnertalik "Polaroid"Sisimiuni Nuummilu assorsuaq nuannarineqarsimavoq. Maanna europami nunani arlalinni takutinneqartussanngorpoq.
Sisimiuni Nuummilu kulturikkut illorsuit "Polaroid"-ip takuteqqinneqarnera ilassilluarsimavaat. Isiginnaartitsisartut maanna europamut ingerlaqqipput, uniffik siulleq tassaassalluni Estlandimi illoqarfik Tartu, tassani septembarip 6-iani isiginnaartitsissallutik. Dublinimut ingerlaqqissapput, tassani Dublin Fringe Festivalimut atatillugu isiginnaartitsissutigineqassalluni, festivalimi tassani septembarip 6-ianiit 21-ianut isiginnaartitsinerit 100-t sinnillit nunanit assigiinngitsuneersut isiginnaartitsissutigineqartussaapput.
Polaroid Dublinimi septembarip 9-aniit 14-ianut isiginnaartitsissutigineqartassaaq, kingornalu Litauenimi, Danmarkimi Norgemilu isiginnaartitsissutigineqassalluni.
Polaroidimit assilisat sarsuatitat uani takusinnaavatit her .