Unioqqutsitsilluni qilalukkanik toqoraaneq nunatsinnut kanngunarpoq
Kalaallit sisamat Danmarkimiit nunanillu allaniit takornarianik aggersitsiniartarlutik ukiorpassuarni sulisimasut taamak oqarput.
- "Nungusaataanngitsumik piniarneq"-mik tunngavilersuutit kusanartut atorlugit sumut-una ingerlaniartugut? Kanngunaq. Puulukinik assartuinerit amiilaarnartut pillugit qulaajaanerit, nersutaatigisanik tamanik naalliutsitsinerit, il.il, ilaanneeriarluni Danmarkimi Europamilu misigineqartartut naligalugit kanngunartuliaq, takornarialerisut sisamat allapput.
Taakku siunnersuutigaat uumasuutitsinnut eqqissisimatitsivissanik arlalinnik pilersitsissasugut, pisatsinnik nakkutilliinerup annertunerulersinneqarnissaa, tikeraat suut tamarmik qanoq ataqatigiinnerannik tikeraagut tikilluaqqullugillu nassuiaasinnaasunngorlugit ilinniartariaqartugut siunnersuutigaat, tamanna nunatsinnut piffissaq sivisunerusoq eqqarsaatigalugu iluaqutaassammat.
- Nunarsuarmioqatigiit isumaanni pitsaasumik - eqqortumillu - inissisimassagutta piniapilunnerit taamatut ittut pinngitsoortinnissaannut piniartut kisimik akisussaatinneqassanngillat. Aamma politikerit innersuunneqartut qaangerlugit pisassiisarnissamut akuersisannginnissaannut pitsaasumillu nakkutilliinermik eqqortitsinermut tunngavoq. Ukiualunnguit matuma siornagut Namminersornerusut Kalaallit Nunaata iluani paasititsiniaaneq Tulugaq ingerlanneqarpoq, taamanikkut Tine Pars angalalluni piniarnermik inuussutissarsiorneq pillugu piniartunik oqaloqateqartarlunilu namminersornerusut inuussutissarsiut taanna pillugu isumaannik oqaloqatiginnissuteqartarpoq. Immaqa paasititsiniaanermik taamak ittumik aallartiteqqinnissaq piffissanngorpoq? Takornarialerisut sisamat allapput.
pdf-imi oqaaseqaat tamaat atuaruk.