KNAPK-p qilalukkanik toqoraanerit akuerisinnaanngilai
– Assit takutippaat qilalukkat kingusinnerusukkut aaneqarnissaat eqqarsaatigineqanngitsoq, KNAPK-p siulittaasua Peter Olsen oqarpoq.
KNAPK-p aamma Ittoqqortoormiini qilalukkanik toqoraasimaneq oqaluuserisimavaa, assillu takusatik tunngavigalugit nalilerpaat, piniartut qilalukkat kingusinnerusukkut aanissaat eqqarsaatiginngikkaat.
– Piniariarsimagaanni pisallu umiatsiamiissinnaasut sinnerlugit pisaqarsimagaanni piniakkat pisat taamatut qimanneqarneq ajorput. Allatut qimatulineqartarput. Amerlavallaarujussuartunik pisaqarsimapput, sunalu pissutigalugu taamaaliorsimanersut paasiuminaappoq. Taamatut ilirsimanerat qaniorluunniit akuerineqarsinnaanngilaq, Peter Olsen oqarpoq.
Taanna isumaqarpoq, qilalukkanik piniapilunneq nunatsinnut sutigulluunniit iluaqutaasinnaanngitsoq.
– Nunarsuaq tamakkerlugu uumasunik illersuiniaqatigiit iliuutsigut tamaasa malittareqqissaarpaat, qularutiginngilaralu NAMMCO-mi ataatsimiinnissami Sisimiuni septembarip aappaaniit sisamaat ilanngullugu ingerlanneqartussamik tamanna arlaata sakkortuumik qisuariarfigiumaaraa, taamak Peter Olsen oqarpoq. Taassuma siunissamik arfanniartarnissamut tamatuma qanoq sunniuteqarumaarnissaa nalileruminaatsippaa.