Aningaasanoorutit 90-it
Nuummi kommunalbestyrelsip aningaasanoorutit nr. 90-issaannut akuersissuteqaqqammertoq nuuk.gl allappoq.
Nuummi malittarisassat naapertorlugit aningaasanoorutinut 90-inut akuersissutinik tunniussisoqarsinnaatitaavoq, kommunalbestyrelsillu ataasinngormat akuersissut nr. 90 tunniuppaa.
Aningaasanoorutit pølsevognini, grillbarini, caféni, neriniartarfinni assigisaannilu inissitsiterneqarsimasut qalipaatigissaaqalutik qulligissaaqalutillu ussassaarisuupput. Aningaasanoorutinik inissitsiterinissaq kommunalbestyrelsip malittarisassaasa ataanni inissisimapput, tassanilu ilaatigut aalajangersarneqarsimavoq, Nuup Kommuneani aningaasanoorutit amerlanerpaamik 90-it inissinneqarsinnaasut.
Ataasinngormat qinnuteqaatip akuersissutigineqarneratigut kisitsit taanna anguneqarpoq.
Taaneqartut saniatigut aamma umiarsuarni Nuummi angerlarsimaffeqartutut nalunaarsimasuni aningaasanoorutinnik inissiinissamut akuersissutinik tunniussisoqarsinnaavoq. Ullumikkorpiaq anningaasanoorutit angalasut sisamat akuerineqarsimapput, arfinillillu suli innissinneqarsinnaallutik.
Aningaasanoorutinut najuqqutassiat maannakkut atuuttut 2007-imi juunip 1-ani atuutilerput, taamalu Kalaallit Nunaanni Sulisitsisut Peqatigiiffiannut, Ilik-imut NUSUKA-mullu - aningaasanoorutinik inissiinissamut akuersissutinik tunineqrsimasut sinniisutisaat - tusarniaatitsereernermi akuersissutigineqarlutik.