Ilinniartitsisut stressimik nappaateqarput
Meeqqat atuarfianni ukioq manna qaammatit arfineq-marluk siulliit ingerlaneranni sulinermi ajutoornerit aqqaneq-marluk Sulinermi Nakkutilliisoqarfimmut nalunaarutigineqarsimapput. Ilinniartitsisut kattufiat IMAK oqarpoq, suliffimmi tarnikkut atukkat ajorluinnartut, KNR allappoq.
Annonse
Stress meeqqat atuarfianni maanna annertuumik ajornartorsiutinngorsimavoq, aamma ilinniartitsisut peqatigiiffiisa katuffianni IMAK-imi siulittaasoq Sivso Dorhp isumaqarpoq, ajornartorsiut sulinermik ajutoornermik nalunaarutigineqarsimasnit aqqaneq-marluusunit annertunerusoq.
– Pineqarput stress imaluunniit suleqatigiit iluanni suleqatigiinniarnikkut ajornartorsiutit assigiinngitsut, ilaatigut aamma suleqatigiit aqutsisuusullu akornanni suleqatigiinniarnikkut ajornartorsiutit pineqarsinnaapput. Ajornartorsiuteqarfiit assigiinngitsut qulaajarniagassapput, taamalu aamma sulinermi atukkat aaqqinniarlugit iluarsiniarlugillu siumut isigisumik suiliniuteqartoqartariaqarpoq, Sivso Dorphp KNR-imut oqarpoq.