Anorersuup qulimiguulik ajoquserpaa
Air Greenlandip qulimiguuliisa ilaat AS 350 Maarmorilimmi anorersuarnerani papiisamigut ajoquserpoq. Inunnik ajoqusertoqanngilaq.
Annonse
Air Greenlandimi sulisut ilaata qulimiguullip AS 350-ip marlunngornermi aggutsip 26-iani Maarmorilimmi sakkortuumik anoraasuasaqattaartilugu sarpii najummisariaqarsimavai.
– Taamaaliorpoq sarpii ajuqosinnginniassammata, kisianni ajoraluartumik qulimiguullip paperuusaa ajoquserpoq, taamak Air Greenlandimi tuiniaanermut nittarsaassinermullu pisortaq Christian Kjeldsen sermitsiaq.gl-imut oqarpoq.
– Qulimiguulik nunamiippoq, pissanganartorsiorngannitsumillu pivoq. Kisianni oqaatigineqartutuut qulimiguulik ajoquserpoq, Chrstian Kjeldsen oqarpoq.
Qulimiguulik pramimik Uummannamukaanneqarpoq, umiarsuarmullu ikillugu iluarsaatitikkiartorneqassaaq.