Akkari Narsamut nuuppoq
Qallunaaq imam-eq akerleriissutaasoq Narsami atuarfimmi qallunaatut tuluttullu atuartitsissaaq.
Ahmed Akkari, Danmarkimi Muhammedimik ajornartorsiuteqarnermi pingaaarutilimmik inissisimasimasoq, maanna Narsap Atuarfiani atorfinitsinneqarsimavoq.
– Uannut perorsarluni angalanertut taaneqarsinnaavoq, Ahmed Akkari Sermitsiaq.gl-imut oqarpoq.
– Nuunngilanga Danmarki qatsukkakku. Narsami atorfeqarsimavoq inuttassarsiukkamik qinnuteqarfigisannik akuerineqarfigisannillu Isumaqarpungalu Kalaallit Nunaat nuna pissanganartuusoq Narsamilu tikilluaqquneqarluarsimavunga. Naatsorsuutigaara sivikinnerpaamik ukioq ataaseq Kalaallit Nunaanniissallunga, Ahmed Akkari oqarpoq.
Muhammedimik ajornartorsiuteqarnerup nalaani qallunaat tusagassiorfiini sammineqartorujussuusimavoq.
– Narsami aamma ilisarineqartarsimavunga, inuit unitsillunga oqarfigalunga illit takoreernikuuvakkit.
– Maanili inuit nuannersumik eqqissisimasuupput inussiarnersuullutillu, Ahmed Akkari oqarpoq kalaallinillu suleqatiminit kissassariartoqqusaalluni. Ingerlatsiviit arsaallutik unamiuaarneranni unammeqataassapput.