Troels Kløvedal Tulukkami
Atuakkiortoq Troels Kløvedai maannakkorpiaq umuarsuaaqqami nakkkutilliissummi Tulugakkamut ilaavoq, Sakkutuut Imarsiortut pillugit siuliassaminut atugassamik katersuiniarluni.
Taama Kangilinnguani sakkutoqarfik Grønlands Kommando ilisimatitsivoq.
Troels Kløvedal Sakkutuunit Imarsiortunit attartorneqarpoq, umiartortut 2010-mi ukiunik 500-inngortorsiorlutik nalliuttorsiornissaannut atatillugu oqaluttuassartaanik atuakkiortinniarlugu. Troelsip saniatigut aamma nulia Else Marie ernerallu Asbjørn ilaapput.
Tulukkamik angalaneq nalliuttorsiornissamut ilaavoq, Troels Kløvedalillu angalanermini sakkutuut umiartortut ilisimatusarnermik suleqateqarsimanerat Atlantikullu avannaani sakkutuut umiartortut suliarisartagaat, il.il., pingaarnerutillugit sammissavai.
Umiarsuaaraq alapernaarsuut Narsarsuarmiit marlunngornermi juulip 14-ianni aallarpoq, ukioq mannalu annamut avangalanissani aallarnerlugu - taamalu - aqqutaani ajunngippat - 81ºN tikingajallugu Hans Ø (Tartupaluup) eqqaata imartaanut apuunniartussaalluni taamalu seqernup tamakkerluni puilanissaa oqaluttuariartortussaallugu.
Angalanermi apuuffissaq siulleq tassaavoq Upernavik, tassani Peter Freuchenip nulia Navarana iliveqarpoq. Tamatuma kingorna angalasut Kap Yorkimi Admiral Pearyp eqqaassutissaanut tikipput.
Angalasut taava Thule Air Base-mut apuupput. Angalasut taava juulip 24-ianni sakkutooqarfimmiit Isbjørne Ø-mut aallassapput, tassani kalaallit erfalasuannik qallunaallu erfalasuanni taarsiisarnermik ileqqutoqaq malillugu taarsiissallutik.