Anguteqatiminoortartut nunatsinni kanngusaarneqartarput
Kalaallit Nunaanni anguteqammik ilaqartartuunerarluni saqqummeraanni kanngusaarneqarnissaq saassunneqarnissallu uaneralaararsuuvoq, Politiken allappoq.
Kalaallit anguteqatimminnoortartut arlallit appisaluunneqarnissartik sassunneqarnissartillu ullut tamaasa ernummatigisarpaat, terlinganiillu oqallisigineqartarlutik.
Anguteqammik atoqateqartartutut ammasumik inuuneqalerusunneq pissutigalugu kalaallit anguteqatiminnik atoqateqartartut amerligaluaatuinnartut Danmarkimut qimaarngutittalerpai, politiken.dk allappoq.
Mikael Fleischeri Københavnimi Kalaallit Illuutaat-neersoq kalaaliuvoq anguteqatiminik atoqateqartartoq, ulluinnarnilu kalaallit Danmarkimi najugaqartut attaveqarfigisarlugit. Taassuma anguteqatiminnik arnaqatiminnillu atoqateqartartut Kalaallit Nunaanni ajornartorsiutigisaat ilisimaarivai.
– Oqaatsitsigut timikkullu saassinneqarnernik takussutissartalimmik pisoqartarneranik anguteqatiminnik atoqateqartartut Danmarkimut qimaasariaqarnerannik kinguneqartarput, Mikael oqarpoq.
Immikkoortinneqarnissamut ersineq ilaatigut anguteqatiminnik atoqateqartartunut Kalaallit Nunaanniittunut peqatigiiffituarsuarmut ilaasortanngortartut amigaataapput.
Qaamaneq peqatigiiffik anguteqamminoortunut arnaqamminoortunullu peqatigiiffituaasoq ukioq kingulleq matusariaqarsimavoq. Anguteqamminoortutut saqqummernissap ilaasortaasut qimarratitissimavaat. Tamanna peqatigiiffiup pilersitsisuata Erik Olsenip uggoraa.
– Anguteqmminoortuulluni arnaqamminoortuulluniluunniit tamanut saqqummerniaraanni ikinngutit ilaqutaasullu annaanissaat annilaanngatigineqartarpoq, Erik Olsen oqarpoq.